Ramazanda yayla şorbası

İftarı açarkən dərhal əsas yeməyə keçməzdən öncə başlanğıcda şorba yemək həzm sistemi üçün olduqca faydalıdır. Əgər iftarda fərqlilik etmək istəsəniz, bu bloq tam sizin üçündür.
Türkiyə mətbəxinə xas olan yayla şorbasının ləzzəti əslində heç də bizə yad deyil. Onun görünüşü də, ləzzəti də dovğanı xatırladır. Gəlin ləzzətli yayla şorbasını asan üsul ilə birlikdə hazırlayaq. Evdə olmayan ərzaqları sizə yaxın “Araz” supermarketdən əldə edin, başlayaq.
İstifadə olunacaq inqrediyentlər:
- 2/3 st. yumru düyü
- 2 ədəd yumurta sarısı
- 3 x.q. un
- 4 st. qatıq
- 8 st. su
- 25 q. kərə yağı
- 2 x.q. nanə
- Duz
Hazırlanması:
- Düyünü yaxşıca yuduqdan sonra üstünə 6 stəkan su əlavə edib bişməyə qoyuruq.
- Başqa bir qaba qatığı, yumurta sarısını, unu və suyu töküb çalırıq.
- Düyü bişdikdə qatıqlı qarışığı az-az üzərinə əlavə edib dovğada olduğu kimi tez-tez qarışdırırıq. Qaynamağa başladıqda 5-10 dəqiqə qarışdırıb duzunu tökürük.
- Tavada kərə yağını əridib nanə qurusunu töküb 2-3 dəqiqə qarışdırıb kənara qoyuruq.
- Daha sonra isə həmin kərə yağında bişən nanəni yeməyə əlavə edib qarışdırırıq. 
Bu qədər! Dadlı yayla şorbanız hazırdır.
Şorbanı isti-isti süfrəyə verib nuş edə bilərsiniz.