Çuğundur şorbası/ Düyülü badımcan dolması/ Fajita

Ramazanda iftarını sağlam et.

İftara hazırlaya biləcəyiniz bol tərəvəzli 3 yeməkdən ibarət menyunu təqdim edirik. 

Çuğundur şorbası 

İnqrediyentlər:
• 6 ədəd orta ölçüdə çuğundur;
• 3 yemək qaşığı zeytun yağı;
• 1 çay qaşığı limon suyu;
• duz;

Sevis üçün:
• 3 yemək qaşığı qatıq;
• 2 yemək qaşığı labne pendiri;
• İstiot.  

Yazda soyuq içmək üçün çuğundur şorbası əla seçimdir. Bəs necə hazırlanır? Cavabı aşağıda.
 Çuğundurları bol su ilə yuyub təmizlədikdən sonra qabığını soymadan qazana yığın, üzərinə üstlərini keçəcək qədər su əlavə edin və təxminən yarım saat qaynadın. Qaynadıqdan sonra süzün və bir müddət otaq tempraturunda tutub soyumalarını gözləyin. Ardınca qabıqlarını soyun.
Qabıqlarını soyduğunuz çuğundurları iri-iri doğrayın və üzərinə təzə sıxılmış limon suyu, zeytun yağı və duz əlavə edin. Ardınca bu qarışımı mətbəx robotuna alın və yavaş-yavaş su əlavə edərək püre halına gələnə qədər çəkin. Şorbanız hazırdır!

Servis etmək üçün labne pendiri ilə qatığı bir qabda yaxşıca qarışdırın. Hazırladığınız qarışımı şorbanı servis edərkən üzərinə əlavə edin. 

Nuş olsun!

Düyülü badımcan dolması 

İnqrediyentlər:
• 20 ədəd qurudulmuş badımcan;
• 1 su stəkanı düyü;
• 2 ədəd böyük soğan;
• 4 diş sarımsaq;
• 1 yemək qaşığı nar şərab;
• 1 yemək qaşığı tomat;
• 2 yemək qaşığı quru nanə;
• 1 kiçik qaşıq sumaq;
• Yarım çay qaşığı istiot;
• 1 çay qaşığı duz;
• 1 yemək qaşığı şəkər tozu;
• 1 çay stəkanı zeytun yağı.

Önəmli qeyd: bişərkən arabir kontrol edin. Əgər gözlənəndən əvvəl suyunu çəkərsə isti su əlavəsi edin. 

Hazırlanması:
• Təxminən, 20 ədəd qurudulmuş badımcanı suyun içinə atın və yumşalana qədər 5 dəqiqə qaynadın. Yumşalan quru badımcanları süzərək sudan çıxarın;
• 1 çay stəkanı zeytun yağını qazana əlavə edin və qızdırın. 2 ədəd böyük soğanı doğrayaraq qazana əlavə edin və soteləyin. Soğanlar yumşalanda 4 diş sarımsaq, bir yemək qaşığı tomat və bibər əzməsi əlavə edin və qovurmağa davam edin;
• 1 su stəkanı düyünü də əlavə edin və 2-3 dəqiqə qovurun;
• 1 çay qaşığı duz, 1 kiçik qaşıq qara istiot, 1 çay qaşığı qırmızı istiot, 1 kiçik qaşıq sumaq, 2 yemək qaşığı nanə və 1 yemək qaşığı şəkər tozu əlavə edib qovurmağa davam edin;
• 1.5 su stəkanı isti su əlavə edib qazanın qapağını bağlayın və suyu çəkilənə qədər bişirin;
• Suyu çəkiləndə quru badımcanların içini 1 sm boşluq buraxılacaq şəkildə doldurun;
• Doldurduğunuz badımcanları qazana düzün, üstünə 1,5 stəkan su və 2 yemək qaşığı nar şərab tökün və qazanın qapağını bağlayıb qaynamağa başlayanadək bişirin;
• Qaynamağa başladıqdan sonra az xodda 40 dəqiqə bişirməyə davam edin;

 Nuş olsun!

Fajita
• 400 q. dana əti;
• 2 ədəd bolqar bibəri;
• cəfəri;
• 1 ədəd qırmızı soğan;
• 1 ədəd yaşıl bibər;
• 1 çay qaşığı duz;
• 2 yemək qaşığı zeytun yağı;
• yarım yemək qaşığı kərə yağı;
• 4-5 ədəd mini tortilla çörəyi və ya lavaş.

Hazırlanması:

1. Tavanı isidin;
2. Sobanı 180 dərəcəyə qurun. Bibərləri və soğanı kub şəklində doğrayın;
3. İsinən tavaya zeytun yağı əlavə edin və yaxşıca isidin. Bibərləri və soğanları qovurun; 
4. Qovrulan bibər və soğana ətləri əlavə edin və duz-istiot əlavə edin;
5. 4-5 dəqiqə qarışdıra-qarışdıra bişirin və istiyədavamlı sobaqabına qovrulan bibər, soğan və ətləri əlavə edin;
6. Kərə yağını ətlərin üzərinə əlavə edin və sobaya qoyun. Təxminən, 10-15 dəqiqə bişirin;
7. Ətlər istədiyiniz kimi bişdikdən sonra, istəsəniz barbekü sousu və tortilla çörəyi ilə sevis edə bilərsiniz.

Nuş olsun!