Balıq şorbası/ Göbələkli toyuq sote/ Bananlı smuzi

Ramazanda iftarını sağlam et.

Bu gün artıq Ramazanın 6-cı günüdür. Ramazanda sağlam qida rasionunu tamamlayacaq həm dadlı, həm faydalı 2 yemək resepti və əlavə olaraq bananlı smuzi reseptini təqdim edirik.  

Balıq şorbası

Tərkibi: 
- 350 qram levrək balığı; 
- 2 xörək qaşığı kərə yağı;
- yarım kərəviz;
- 1 soğan;
- 1 kök;
- 2 ədəd bibər;
- 5 diş sarımsaq;
- 1 xörək qaşığı un;
- 6 stəkan su;
- duz, istiot;
- şüyüd;

Hazırlanması:
Kərəviz, soğan, sarımsaq və kökü rəndələyib, soğanı doğrayın. Daha sonra onları yağda qovurun və unu da ora töküb qovurmağa davam edin. Suyu əlavə edib 30 dəqiqə qaynadın. Balığı kiçik kublar formasında doğrayıb, qazana tökün. Duz və istiotu da əlavə edərək, şorbanı 10 dəqiqə balıqla birlikdə qaynadın. Doğranmış bibər və şüyüdlə isti-isti servis edin.

Göbələkli toyuq sote

- 600 q quşbaşı toyuq filesi;
- 300 q göbələk;
- 3 yemək qaşığı zeytunyağı;
- 2 ədəd yaşıl bibər;
- 2 ədəd bolqar bibəri;
- 1 ədəd pomidor;
- 1 çay qaşığı təzə çəkilmiş istiot;
- 1 çay qaşığı kəkik;
- 1 kiçik qaşıq duz. 

Hazırlanması:
1. 3 yemək qaşığı zeytun yağını tavada qızdırın. 600 q quşbaşı doğranmış toyuq filesini, suyu qurumasın deyə yüksək xodda soteləyin. 
2. Ardınca, 2 ədəd doğranmış yaşıl və qırmızı bibərləri əlavə edib, soteləməyə davam edin;
3. 300 q doğranmış göbələyi də əlavə edib, suyunu çəkənə qədər 10 dəqiqə ərzində soteləyin;
4. Son olaraq, 1 ədəd qabığı soyulub doğranmış pomidor, 1 kiçik qaşıq duz, 1 çay qaşığı çəkilmiş istiot və 1 çay qaşığı kəkik əlavə edin.
5. 15 dəqiqə bişirin.
6. Pomidorlar suyunu çəkibsə, deməli, göbələkli toyuq soteniz hazırdır.
 

Bananlı smuzi

Tərkibi: 
- 1 ədəd banan;
- 1 ananas;
- süd.
Bütün inqrediyentləri blenderdən keçir və stəkanına doldur. Bananın və ananasın təbii şəkəri sayəsində bu smuzinin ləzzətinə doymayacaqsınız. Ortalama kalorisi 255-dir. 

Nuş olsun!