Aloe Veranı evdə necə yetişdirmək olar?

Evlərdə ən çox yetişdirilən dekorativ bitkilərdən olan Aloe vera şampundan kremə kimi bütün baxım məhsullarında sıx istifadə edilir. Bəs bu bitkini evdə necə yetişdirmək olar? 

Əvvəlcə baxımından başlayaq: Aloe Vera baxımı necə edilməlidir?

Torpaq seçimi:
Aloe Vera təbii maddələr baxımından zəngin, humuslu və keçiriciliyi yüksək olan torpaqlarda daha yaxşı yetişir. Bu səbəbdən əgər evdə Aloe Vera yetişdirməyə qərar versəniz mütləq bu növ torpaq alaraq işə başlamalısınız.

Saxlama şəraiti
Bu bitki hər zaman günəş işığı alan, işıqlı məkanlarda çox asan boy atır. Həmçinin, bu bitkinin yarpaqları günəş işığı gələn yerə yönəldiyindən saxsını öz çevrəsi ətrafında fırladaraq, hər bir hissəsinin bərabər olmasını təmin edə bilərsiniz. 
Soyuq havalara qarşı o qədər də dayanıqlı olmasa da -7 dərəcələrə qədər yaşadığı bilinir. Yenə də saxlama tempraturunun ən az 10 - 15 dərəcələrdə olmasına diqqət etmək lazımdır. 

Sulama
Aloe Vera bitkisi hər gün su tələb etməyən bir bitkidir. Hətta həddən artıq sulanarsa köklərində sürətlə çürümə meydana gələ bilər. Bu səbəbdən sulamadan öncə torpağının tamamilə quru olduğundan əmin olmaq lazımdır. Bundan başqa, sulamaq üçün mümkün qədər günün eyni saatlarını seçmək və istifadə edilən su qabını hər dəfə eyni miqdarda doldurmaq lazımdır. Qış aylarında yaya nisbətən daha az (həftədə 1 dəfə) 
sulamaq kifayətdir. Yay aylarında isə günaşırı və ya həftədə ən az 2 dəfə, torpağı tez quruyarsa hər gün sulamaq lazımdır. 
Sulama edərkən diqqət edilməli olan ən önəmli nöqtələrdən biri də suyun yarpaqlara təmas etməməsidir. Əgər yarpaqlar islanarsa bitki çürüməyə başlaya bilər və yarpaqlar böyük zərər görər. 

Saxsı seçimi və dəyişimi:
Aloe Vera üçün istifadə edəcəyiniz saxsının dəlikləri olmasına xüsusi diqqət edin. Saxsı dəyişməyə gəlincə isə, Aloe Vera bitkisinin saxsısını və təbii ki torpağını ildə 1 dəfə dəyişməyiniz yetərli olacaqdır. Bu dəyişim üçün yaz ayları özəlliklə də aprel ayı ən məhsuldar ay qəbul edilir. 
Saxsı və torpaq dəyişimi zamanı əvvəlki saxsıdan sadəcə 1 ölçü böyük bir saxsı seçməyiniz kifayətdir. Torpağından ayırdığınız Aloe Vera bitkisinin köklərində artıq torpaq da köklərə zərər verilmədən silkələnməli, yeni saxsısına və torpağına köklərə zərər gəlməyəcək şəkildə yerləşdirilməlidir. 

Aloe Vera evdə, saxsıda yetişdirilən bir çox bitki kimi əsasən kökdən ayırma üsulu ilə çoxaldılır. Əgər hal-hazırda yetişdirdiyiniz bir aloe varsa və saxsının dibindən, köklərindən yeni bir aloe bitkisi yetişməyə başlayıbsa torpaq və saxsı dəyişimi vaxtı gələndə bu yeni bitkini diqqətlicə kök qismindən ayıraraq yeni, kiçik bir saxsıya əkə bilər, yuxarıda qeyd edilən kimi baxımını həyata keçirib yeni bir aloe bitkisi əldə edə bilərsiniz.