Rəşad Qarayev

Rəşad Qarayev

Təhlükəsizlik və daxili nəzarət direktoru

Bakalavr pilləsini Heydər Əliyev adına Hərbi İnstitutun “Xüsusi Təyinatlı Qoşun komandanlığı, həmçinin ingilis dili üzrə tərcüməçi-referent, Magistr pilləsini isə Azərbaycan Respublikası Hərbi İdarəetmə institutunun “Strateji Tədqiqatlar və Dövlət Müdafiəsinin Əsasları” ixtisasları üzrə bitirmiş, Estoniya Baltik Müdafiə Kollecində müdafiə sahəsində 1 illik “Ali Rəhbərlik” (SLC) kursunda iştirak etmişdir.

2000-2018-ci illər ərzində zabit kimi Ordu sıralarında xidmət etmiş, müxtəlif orden və medallarla, həmçinin 2011-ci ildə Azərbaycan Respublikası Prezidentinin fərmanı ilə “Xidmətdə Fərqlənməyə görə” medalı ilə təltif olunmuşdur.

Kosovo, İraq, Əfqanıstan kimi ölkələrdə hərbi və mülki əməliyyatlarda müxtəlif vəzifələrdə, NATO qərargahlarında təmsilçi, həmçinin Birləşmiş Millətlər kontingenti tərkibində müşahidəçi vəzifəsində çalışmışdır. Bir çox ölkələrdə təlim və kurslarda iştirak etmişdir.

2020-ci ildə Araz Supermarket MMC komandasına qatılan Rəşad Qarayev Təhlükəsizlik Şöbəsinin müdiri, Təchizat, Texniki İşlər və Təhlükəsizlik Departamentinin müdiri (2022-2023), Biznesə Dəstək Departamentinin müdiri (2023-2024) kimi fəaliyyət göstərmişdir. 2024-cü ilin fevral ayında isə Təhlükəsizlik və Daxili Nəzarət direktoru təyin olunmuşdur.

Rəşad Qarayev KOBİA və Almaniya Federal İqtisadiyyat, İqlim Mühafizəsi Nazirliyi, Beynəlxalq Əməkdaşlıq Cəmiyyəti (GİZ) tərəfindən təşkil edilən 1 illik təlim proqramının məzunudur.

İngilis, rus və serb dillərini bilir.

Partnyor ol