Pərviz Qasımov

Pərviz Qasımov Qafqaz Universitetində “İnzibati idarəetmə, Dövlət və bələdiyyə idarəetməsi” ixtisası üzrə bakalavr təhsili almışdır. Daha sonra 2011-ci ildə Azərbaycan Dövlət İqtisad Universitetinin “Beynəlxalq iqtisadi münasibətlər” ixtisası üzrə yenidənhazırlanma kursunu bitirmiş, 2022-ci ildə isə Azərbaycan Dövlət Neft və Sənaye Universitetinin “Sənayenin təşkili və idarə olunması” ixtisasına yiyələnmişdir.

ABŞ-ın Corc Vaşinqton Universitetinin Layihə İdarəetmə Məktəbinin məzunudur. 2022-ci ildə Beynəlxalq Layihə Menecerləri Assosasiyasının IPMA B dərəcəli Sertifikatlaşdırılmış Aparıcı Layihə Meneceri beynəlxalq sertifikatını əldə etmişdir.

Peşəkar karyerasına 1998-ci ildən iqtisadçı kimi başlayan, saha sonra 2000-2004-cü illərdə brend məhsulların satışı sahəsində Mağaza müdiri olaraq fəliyyət göstərən Pərviz Qasımov, 2004-2011-ci illərdə Azərsun Holdinqdə Logistik Planlama mütəxəssisi, Layihə rəhbəri, 2008-ci ildən isə İR üzrə rəhbər vəzifələrdə çalışmışdır.

2012-ci ildə “Aztexnika” LTD Şirkətinin İR və İnzibati işlər Departamentinin rəhbəri, 2014-2016-cı illərdə “Azərtexnolayn” MMC-nin Polad Boru Zavodunun direktoru, 2017-2020-ci illərdə Azneft İB-də İR Departament müdiri, daha sonra SOCAR-ın Baş Ofisində Təlim İnkişaf şöbəsinin rəhbəri vəzifələrində çalışmışdır.

Pərviz Qasımov 2020-ci ildən Veysəloğlu Şirkətlər Qrupunda fəaliyyətə başlamışdır. İlk olaraq, “AVT Logistics” MMC-də İR və İnzibati İdarəetmə üzrə direktor vəzifəsində çalışmışdır. 2023-cü ilin aprel ayından etibarən “Araz Supermarket MMC”-də İR və Biznesə Dəstək Direktoru olaraq fəaliyyətini davam etdirir və İR, Texniki Dəstək və Təsərrüfat, SƏTƏM, Qeyri-ticari təchizat və Keyfiyyətin idarə olunması sahələrinə rəhbərlik edir.

25 illik uzunmüddətli iş fəaliyyəti dövründə müxtəlif ölkələrdə İnsan Resurslarının idarəedilməsi, Psixologiya, Layihə İdarəetmə, Korporativ İdarəetmə, Keyfiyyətin idarəedilməsi, Büdcə və Maliyyə təhlili, Risklərin idarə edilməsi və digər mövzularda beynəlxalq dərəcəli təlimlərdə iştirak etmişdir.

Beynəlxalq sertifikatlara malik P.Qasımov həmçinin 2018-ci ildən İR-nın müxtəlif modulları üzrə, eləcə də Planlama, Büdcə İdarəetməsi, Effektivliyin idarə olunması və digər sahələrlə bağlı peşəkar təlimçi qismində fəaliyyət göstərməkdədir.