XƏBƏRLƏR

“ARAZ” SUPERMARKETLƏR ŞƏBƏKƏSİ YENİ GÜNƏŞLİ YAŞAYIŞ MASSİVİNDƏ YENİ FİLİALINI AÇDI

29.03.2019 // 11:20

Ölkənin ən böyük marketlər şəbəkəsi olan “Araz”  Suraxanı rayonu, Yeni  Günəşli  yaşayış massivində  yeni superstore mağazasını açaraq, şəbəkəsini bir qədər də genişləndirir.

“Siz harada, Araz orada” sloqanına sadiq qalan “Araz” supermarketlər şəbəkəsi martın 29 - dan etibarən Günəşlidə fəaliyyətə başlayır. “Araz” superstore geniş sahəsi, 100 – dən artıq avtomobil üçün rahat və pulsuz dayanacaq yeri, 20 minə yaxın qida və qeyri-qida məhsul çeşidi ilə sakinlərə rahat, əlverişli alış-veriş mühiti yaradır.

Mağazada meyvə və tərəvəz, ət və ət məhsulları, süd və süd məhsulları,  gigiyenik vasitələr, məişət avadanlıqları, mətbəx ləvazimatları və digər bölmələr müştərilərin xidmətinə veriləcək. Müştərilər həmçinin, “Xonça” un məmulatları bölməsində müxtəlif növ şirniyyatlar, tortlar, hazır yeməklər, isti təndir çörəyi əldə edə biləcəklər.

Marketin daxilində “Araz Kafe” fəaliyyət göstərəcək.

Qeyd edək ki, marketin açılışı ilə əlaqədar olaraq, müştərilər üçün möhtəşəm endirim və hədiyyə kampaniyaları nəzərdə tutulub. Açılışa özəl endirim və hədiyyə kampaniyası 4 aprel tarixinədək qüvvədə olacaq.

 “Siz harada, "Araz" orada”.


 

 

 

AKSİYALAR

Yurdumun məhsulu - Limon