XƏBƏRLƏR

ARAZ SUPERMARKETLƏR ŞƏBƏKƏSİ ƏN BÖYÜK FİLİALINI AÇDI

15.11.2017 // 16:20

 "Siz harada, Araz orada” sloqanına sadiq qalan "Araz" supermarketlər şəbəkəsi bugün Sumqayıt şəhərində ən  böyük filialının açılışını etdi. Sumqayıt şəhərində açılan bu filial ilə Araz Supermarket MMC-yə daxil olan mağaza sayı 101-ə yüksəldi.

Sumqayıt şəhəri, 9-cu mkr, Üzeyir Hacıbəyov küçəsi 23 ünvanında yerləşən marketin daxili sahəsi 2200 kvadrat  metrdir. Marketin həyətyani sahəsində müştərilərin avtomobillərini rahat park etməsi üçün 100 yerlik pulsuz  dayanacaq yeri vardır.

Yeni filialda meyvə və tərəvəz, ət və ət məhsulları, süt və süt məhsulları, qida, gigyenik vasitələr, məişət avadanlıqları, mətbəx ləvazimatları və digər bölmələr müştərilərin xidmətinə verildi. Marketin daxilindəki “Xonça” un məmulatları bölməsindən siz müxtəlif növ şirniyyat və bulkalar, tortlar, hazır yeməklər, isti təndir çörəyi və s. əldə edə bilərsiniz.

Qeyd edək ki, marketin açılışı ilə əlaqədar müştərilər üçün möhtəşəm endirim və kampaniyalar nəzərdə tutulub. Belə ki, marketdən 100 manatlıq alış-veriş edən hər bir bonuskartlı müştəriyə Türkiyə istehsalı olan 26 sm-lik Akyıldız tava hədiyyə olunur. Açılışla əlaqədar endirim və kampaniyalar 14-15-16 noyabr tarixlərini əhatə edəcək. Endirim kampaniyaları haqqında ətraflı məlumatı http://arazmarket.az/aksiyalar/26 ünvanından və "Araz" supermarketlərin rəsmi sosial şəbəkə hesablarından əldə edə bilərsiniz.

2011-ci ildən fəaliyyət göstərən Araz Supermarketlər şəbkəsi daima müştəri məmnuniyyətini düşünərək yüksək xidmət və keyfiyyətə önəm verir, o cümlədən ucuz qiymətlə müştərilərinə xidmət göstərir. Qeyd edək ki, "Araz" supermarketlər şəbəkəsinin İmişli, Şamaxı, Zaqatala və digər rayonlarda da yeni filiallarının açılışı planlaşdırılır.

   

 

AKSİYALAR

Yurdumun məhsulu - Limon