“Xərclədiyin qədər qazan” lotereyası

7-31 iyul tarixlərində keçiriləcək lotereyada iştirak etmək üçün şərtlər aşağıdakı kimidir:

- “Araz” mobil tətbiqini smartfona yükləyirsiniz.

- “Araz” Supermarketlərdə mobil tətbiqdən istifadə edərək 100 AZN-lik alış-veriş edib 1 şans qazanırsınız. Bu o deməkdir ki, “Araz” tətbiqi istifadə etdiyiniz bütün alış-verişlər toplanıb 100 AZN olduqda artıq lotereya iştirakçısı kimi qeydə alınırsınız.

- Şans sayı limitsizdir. Yəni 100 AZN 1 şans, 200 AZN 2 şans, 300 AZN 3 şans ( və daha çox) olaraq sizə geri dönəcəkdir. Qazandığınız bütün şanslar “Araz” tətbiqində əks olunacaq.

Bu qədər! Lotereya bitdikdən sonra təsadüfi yolla seçilən 50 şanslı qalibimiz lotereya müddətində xərclədikləri bütün məbəği “Araz” tətbiqinə geri qazanacaqlar. 

Qaliblər 8 avqust 2023-cü il tarixində “Araz” Günəşli Superstore filialımızda canlı yayım vasitəsilə seçiləcək və rəsmi sosial şəbəkələrimizdə paylaşılacaqdır.

Şansınız bol olsun! 

Lotereya iştirakçısının smartfonunda “Araz” mobil tətbiqinin olmağı əsas şərtdir. Qeyd edək ki, mobil tətbiqi “Apple Store” və ya “Google Play Store”dan smartfona yükləyib qeydiyyatdan keçə bilərsiniz. Qeydiyyat zamanı məlumatlarınızı (ad, soyad, ata adı, əlaqə nömrəsi, imeyl) doğru daxil etdiyinizdən əmin olun.

• Şəxsi məlumatlar doldurulduqdan sonra, lotereya qaydaları ilə razıyam və iştirakımı təsdiq edirəm düyməsi kliklənməlidir.
• Lotereya iştirakçısı olmaq üçün 7-31 iyul 2023-cü il tarixlərində “Araz” mobil tətbiqindən istifadə edərək “Araz” və ya “Spar” marketlərdən minimum 100 AZN-lik alış-veriş etməyiniz lazımdır. Bu alış-verişin birdəfəlik 100 AZN və üzəri məbləğ, yaxud ay ərzində məbləğindən asılı olmayaraq cəmdə 100 AZN olmağı lotereyada işitrak etmək üçün kifayət edir. Hər 100 AZN-lik alış-veriş bir şans sayılır. Bu, o deməkdir ki, 200 AZN-lik alış-veirş 2 şans, 300 AZN-lik alış-veriş 3 şans və s. kimi hesablanacaqdır. Şans sayında limit yoxdur.
• Lotereyada iştirak üçün mütləq “Araz” mobil tətbiqini smartfona yükləməli və alış-veriş zamanı ondan istifadə etməlisiniz. “Araz” Müştəri kartı tədbiqə qoşulmadığı təqdirdə lotereyada iştirakınız qeydə alınmayacaqdır. Yalnız mobil tətbiqdən qeydiyyat keçmiş və ya fiziki kartı mobil tətbiqə transfer etmiş şəxslər lotereyada iştirak edə bilər.
• Alınan məhsullar iadə olunduqda, qaytarılan məhsulların tam dəyəri alış veriş miqdarından çıxılacaqdır. Məsələn: 100 AZN-lik alış veriş etdikdən sonra siz avtomatik olaraq lotereya iştirakçısına çevrilirsiniz. Bu alış-veriş zamanı hər hansı məhsulu 14 gün ərzində iadə etmək haqqına maliksiniz. Qaytarılma zamanı iadə məbləği (məsələn, 3 AZN) ilkin ödənişdən silinir. Bu halda ilkin alış-veriş məbləği 97 AZN-ə endiyindən, iştirakçının lotereyada iştirakınız ləğv olur. 
• Lotereyada Azərbaycan Respublikasının fəaliyyət qabiliyyətli vətəndaşları və Azərbaycan Respublikasında yaşayış icazəsi olan, lotereyanın keçirildiyi dövrdə daim Azərbaycan Respublikasının ərazisində yaşayan, Lotereyanın keçirilməsi anına 18 (on səkkiz) yaşı tamam olmuş şəxslər iştirak edə bilər.

Hədiyyələr

• Lotereyanın qalibləri lotereya müddətində lotereyanın şərtlərinə uyğun olaraq xərclədikləri bütün məbləği təqdim etdikləri “Araz” mobil tətbiqinə geri qazanacaqlar. Məsələn, iştirakçı lotereya müddətində 550 AZN-lik alış-veriş etmişdir. Bu alış-veriş 5 şans kimi qeydə alınacaqdır. Lotoreyanın uduşunun keçirildiyi zaman iştirakçı qalib seçildiyi təqdirdə lotereya müddətində xərclədiyi bütün məbləği, yəni 550 AZN-i mobil tətbiqdə qeyd etdiyi karta geri qazanacaqdır.

Lotereyanın ümumi 50 qalibi olacaqdır.

• Hədiyyə sahiblərinin müəyyən edilməsi lotereya başa çatdıqdan sonra qeydiyyatdan keçmiş və lotereya şərtlərini yerinə yetirmiş şəxslər arasında aparılır. Qalibin müəyyən edilməsi lototronun köməyi ilə iştirakçıların adlarının təsadüfi müəyyən edilməsi yolu ilə baş verir.

Lotereya tirajının keçiriləcəyi tarix: 8 avqust 2023-cü il. Tirajlar onlayn real vaxt rejimində sosial media üzərindən canlı çəkiliş vasitəsilə təqdim olunacaq. Hər tirajda 4 münsif və istənilən kəslər iştirak edə bilər.

Tirajların keçiriləcəyi yer: “Araz” Günəşli-3 Superstore.
Filialın ünvanı: Bakı şəhəri, Suraxanı rayonu, Qaraçuxur qəsəbəsi, İlqar Musayev küçəsi 56D.

• Qaliblər müəyyən olunduqdan sonralLotereyanın təşkilatçısı tərəfindən qazanan şəxsin qeydiyyatdan keçirildiyi mobil rabitə operatorunun abonent nömrəsinə telefon zəngi və elektron poçt vasitəsilə lotereyanı qazanan iştirakçıya məlumat verilir.
•  Lotereya iştirakçısı lotereya müddətində bir dəfədən artıq qalib ola bilməz.
•  Lotereya qaliblərinin tam siyahısı 15 avqust 2023-cü il tarixdən gec olmamaqla “Araz Supermarket” MMC-nin rəsmi sosial sosial media hesablarında yerləşdiriləcəkdir.

Lotereyanın qaliblərinə hədiyyələrin təqdim olunma qaydası və müddəti:

• Lotereya qaliblərinin seçimindən sonra qaliblərin uduşları 5 (beş) iş günü ərzində lotoreyada iştirak etdikləri mobil tətbiqdə qeyd olunan müştəri kartına yüklənəcək.
• Hədiyyənin əldə olunma prosesi avtomatlaşdırılmış şəkildə olacaq və qaliblərin fiziki formada hər hansısa bir ünvana yaxınlaşmasına ehtiyac yoxdur.

Qeyd: Lotereyada iştirak etməklə iştirakçı bütün qaydalarla tanış olduğunu və tam razı olduğunu, həmçinin lotereyanın bütün şərtlərinə və tələblərinə əməl etməyi öhdəsinə götürdüyünü təsdiq edir.