“Sizinlə birlikdə” layihəsinin qonaqları şəhid övladları oldu

“Araz” supermarketlər şəbəkəsi “Sizinlə birlikdə” layihəsini davam etdirir. Bu dəfə Əmək və Əhalinin Sosial Müdafiəsi Nazirliyinin (ƏƏSMN) tabeliyində olan Dövlət Məşğulluq Agentliyi (DMA) ilə birlikdə şəhid övladlarının asudə vaxtlarının səmərəli keçirilməsi məqsədilə tədbir təşkil edilib. Sosial-maarifləndirici formatda təşkil edilən tədbirdə uşaqlarda müxtəlif peşələrə həvəs və sevgi yaradılması məqsədilə onlarla birlikdə müxtəlif oyunlar keçirilib. Oyunlar zamanı uşaqlar şərti olaraq həmin peşənin sahibi olublar. Maraqla qarşılanan tədbirin sonunda uşaqlara “Araz” supermarketlər şəbəkəsi tərəfindən hədiyyələr təqdim olunub.

“Sizinlə birlikdə” layihəsinin məqsədi uşaqların asudə vaxtının maraqlı və faydalı keçirilməsini təmin etməkdir.