Qadının gücü” layihəsi çərçivəsində növbəti master-klas keçirilib

Araz” supermarketlər şəbəkəsində qadın əməkdaşların bilik və bacarıqlarının artırılması, onların peşəkarlıq göstəricilərinin yüksəldilməsi və motivasiyası istiqamətində həyata keçirilən “Qadının gücü” layihəsi davam edir.

Layihə çərçivəsində təşkil edilən növbəti master-klas İdxalat və qeyri-qida şöbə müdiri Ülviyyə İsmayılova ilə keçirilib. Görüşdə “Araz” mağazalarında yeni işə başlayan və perspektivli qadın əməkdaşlar iştirak edib. Ü. İsmayılova onlarla uğura gedən yol haqqında fikirlərini, karyera təcrübəsini bölüşüb və tövsiyələrini verib.

Qeyd edək ki, “Qadının gücü” layihə çərçivəsində karyera yüksəlişinə nail olan, yüksək vəzifələrdə çalışan peşəkar qadın rəhbərlərlə şirkətdə işə yeni başlayan gənc xanım əməkdaşların görüşü təşkil edilir. Master-klas formatında təşkil edilən görüşün məqsədi karyera yolunda addımlarını yeni atan xanımlara motivasiya vermək, onlarda liderlik bacarıqlarını formalaşdırmaqdır.