ARAZ Supermarketlər şəbəkəsindən tələbələrə dəstək

Bu gün Bakıda "Azərbaycan Tələbə Kartı" nın yeni variantda təqdimatı keçirilib. Təqdimat mərasimində Gənclər və İdman naziri Azad Rəhimov, Milli Məclisin deputatı Şahin İsmayılov, Milli Məclisin Gənclər və idman komitəsinin sədri Fuad Muradov, Azərbaycan Prezidenti yanında Gənclər Fondunun icraçı direktoru Fərhad Hacıyev  və "Azərbaycan Tələbə Kartı" ilə əməkdaşlıq edən şirkətlərin nümayəndələri, o cümlədən Araz Supermarket MMC-nin əməkdaşları da iştirak edib.

"Azərbaycan Tələbə Kartı" proqramına dəstək verən Araz Supermarketlər şəbəkəsi tələbələrə özəl endirimlər tətbiq edib. Bakının müxtəlif yerlərində 44 filialla fəaliyyət göstərən Araz Supermarketlər Şəbəkəsindən alış-veriş edən və tələbə kartı olan tələbələrə alış-veriş məbləğinə görə bonuslar veriləcək. Bu bonuslar toplanılaraq pul şəklində yenidən alış-verişdə istifadə oluna biləcək.