“Araz” supermarketlər şəbəkəsinin Təlim və İşə Qəbul Mərkəzi fəaliyyətə başladı

“Araz” supermarketlər şəbəkəsinin Təlim və İşə Qəbul Mərkəzi fəaliyyətə başladı

Veysəloğlu Şirkətlər Qrupuna (VŞQ) daxil olan “Araz” supermarketlər şəbəkəsinin Təlim və İşə Qəbul Mərkəzi fəaliyyətə başlayıb. Mərkəzin açılış mərasimində VŞQ-nin təsisçisi və baş icraçı direktoru Aydın Talıbov, “Araz” supermarketlər şəbəkəsinin İdarə Heyətinin sədri Rəşad İbrahimov, “Araz”ın İnsan resursları və biznesə dəstək direktoru Pərviz Qasımov, Mərkəzin rəhbər şəxsləri və əməkdaşları iştirak edib.

Açılış mərasimində bildirilib ki, ölkənin aparıcı pərakəndə ticarət şəbəkələrindən biri olan “Araz” supermarketlər şəbəkəsi pərakəndə satış sahəsində ixtisaslı kadrların hazırlanması və inkişafına böyük töhfə verir. “Araz”ın Təlim və İşə Qəbul Mərkəzinin yaradılmasında məqsəd bu fəaliyyəti genişləndirmək və kadrların peşəkarlıqlarının yüksəldilməsi, onların bilik-bacarıqlarının artırılmasıdır.    

Təlim və İşə Qəbul Mərkəzində satış, müştəri xidmətləri, idarəetmə və logistika kimi müxtəlif sahələrdə təlimlər təşkil olunacaq. Tədris ediləcək proqramlar beynəlxalq təcrübəyə əsasən hazırlanıb və peşəkar mütəxəssislər tərəfindən aparılacaq. Burada nəzəri biliklərlə yanaşı, praktiki məşğələlər və real iş şəraitinə uyğun simulyasiyalar da keçiriləcək.  Mərkəzin yaradılması işaxtaran şəxslərin mövcud vakansiyalar üzrə müraciətlərinin vahid mərkəzdən idarə edilməsi, bu müraciətlərə baxılmasının operativ aparılması, həmçinin işə qəbul edilən şəxslər üçün orientasiya və təkmilləşdirmə təlimlərinin bir ünvanda keçirilməsidir. Mərkəz Nizami rayonu Məmmədəli Şərifli küçəsi 25 ünvanında yerləşir. Qeyd edək ki, “Araz”ın digər İşə Qəbul Mərkəzi Nəsimi rayonu, Səməd Vurğun küçəsi 187 ünvanında fəaliyyət göstərir. “Araz” komandasına qoşulmaq istəyən şəxslər “Araz” İşə Qəbul Mərkəzlərinə müraciət edə və ya (055)9002882, (055)9006720 əlaqə nömrələrilə əlaqə saxlaya bilərlər.