“Araz” qlobal brend tərəfindən mükafatlandırıldı

“Araz” supermarketlər şəbəkəsi beynəlxalq mükafata layiq görülüb

Veysəloğlu Şirkətlər Qrupuna məxsus “Araz” supermarketlər şəbəkəsi beynəlxalq “Kimberly Clark” fabriki tərəfindən MDB ölkələrində fəaliyyət göstərən 30 marketlər şəbəkəsi arasında 2024-cü il üzrə ən yaxşı artım göstəricisinə görə lider olub.

Bu münasibətlə “Araz” supermarketlər şəbəkəsinin baş ofisində “Kimberly Clark”ın Qafqaz regionu və Azərbaycan satış ofisinin nümayəndələri ilə görüş keçirilib. Tədbirdə qalib mükafatı İdarə Heyətinin sədri Rəşad İbrahimova təqdim edilib.

Qeyd edək ki, “Kimberly Clark” fabrikinə məxsus qeyri-qida gigiyena məhsulları “Araz” supermarketlər şəbəkəsinin bütün filiallarından uyğun qiymətlərlə təklif edilir.