Tullantıları dəyərə, ekoçantanı vərdişə çevir

“Yaşıl dünya naminə həmrəylik ili” çərçivəsində Ekologiya və Təbii Sərvətlər Nazirliyinin təşkilatçılığı, Xətai rayon İcra Hakimiyyəti və “Araz” supermarketlər şəbəkəsinin dəstəyi ilə Ağ Şəhərdə “Tullantıları hədiyyələrə dəyiş” festivalı keçirilib.

“Tullantıları dəyərə, ekoçantanı vərdişə çevir” devizi ilə təşkil edilən festival çərçivəsində vətəndaşlar ümumi tutumu 4803 litr olan plastik, 475 litr olan şüşə və 393 ədəd işlənmiş batareya təhvil veriblər. Tullantıların əvəzində onlara “Araz”ın ekoçantası və müxtəlif hədiyyələr təqdim olunub.

Aksiyanın keçirilməsində məqsəd tullantıların qarşısını almaq, resurslardan daha səmərəli istifadə etmək, tullantıları mənbəyində toplayıb təkrar emal etmək, ictimaiyyəti tullantıların düzgün idarə olunmasına stimullaşdırmaqdır.