“Araz” əməkdaşları Ekoçantam Arazdan aksiyasına qoşulub

“Araz” supermarketlər şəbəkəsinin baş ofisində “Yaşıl dünya naminə həmrəylik ili” çərçivəsində 22 aprel “Beynəlxalq Yer Günü” münasibətilə aksiya keçirilib.

Belə ki, ofis əməkdaşlarına “Araz”ın yeni dizaynlı ekoçantaları hədiyyə edilib.

Əməkdaşlar növbəti gün işə ekoçanta ilə gəliblər. Onlar şəxsi əşyalarını öz çantalarında deyil, xüsusi dizayn edilmiş “Araz” ekoçantalarında daşıyıblar.

Aksiyanın məqsədi “Təbiəti qorumaq mənim əlimdədir”, “Ekoçantam Arazdan” şüarları ilə ətraf mühitin mühafizəsinə diqqət çəkmək və təbiətin qorunmasına töhfə verməkdir.

Qeyd edək ki, “Araz” supermarketlər şəbəkəsi müştəriləri alış-veriş zamanı polietilen torbalar əvəzinə ekoçantalardan istifadə etməyə, bununla da təbiəti qorumağa təşviq edir. Polietilen torbalardan fərqli olaraq ekoçantalar torpağa qarışır və ətraf mühit üçün heç bir təhlükə yaratmır.