Отношения с инвесторами

Dünya sürətlə rəqəmsallaşır, texnoloji irəliləyiş hər sahədə özünü göstərir.

Son dövrləri analiz edərkən tərəddüd etmədən qeyd etmək olar ki, “Araz” supermarketlər şəbəkəsi yenilikləri və innovasiyaları ilə diqqət mərkəzindədir. Ölkənin pərakəndə bazarında ilk dəfə olaraq “Araz” yerli müştəriyə tamamilə yeni olan, dünyanın iri market şəbəkələrində istifadə edilən özünəxidmət kassa aparatlarını öz mağazalarında quraşdırdı. Dünyanın iri şəbəkələrində görə biləcəyimiz rəflərdə elektron etiketlər də məhz “Araz” filiallarında tətbiq olunmağa başlandı. Daha bir maraqlı yenilik isə QR kodların tətbiqidir. Bu siyahıya müştərilərə məxsus əşyaların mühafizəsi üçün nəzərdə tutulmuş ənənəvi dolabların elektron dolablarla əvəzlənməsini də əlavə etmək olar.

“Araz” supermarketlər şəbəkəsi korporativ sosial məsuliyyət istiqamətində də bir çox layihələr həyata keçirir. BMT-nin “Qlobal məqsədlər” kimi tanınan 17 Dayanıqlı İnkişaf Məqsədlərinə daxil olan ətraf mühitin mühafizəsi istiqamətində “Araz” pərakəndə sektorunda ilk addım atanlardan olub. Ətraf mühitin mühafizəsinə həssaslıq nümayiş etdirən şirkət 2019-cu ilin yay aylarında istehlakçıya parçadan hazırlanmış, uzunmüddətli istifadə üçün nəzərdə tutulmuş ekoçantalar təqdim etdi. Sonra isə kartof və qarğıdalıdan hazırlanmış, ətraf mühit üçün tamamilə zərərsiz, təbiətdə həll olunan biopaketlər istifadəyə verildi. Həmçinin, “Araz”ın müxtəlif filiallarında işlənmiş batareyalar toplanılır və utilizasiya göndərilir. Məqsəd işlənmiş batareyaların təbiətə zərər vurmasının qarşısını almaqdır.

“The Consumer Goods Forum”nun üzvü “Araz” şəbəkəsi eyni zamanda yardım və xeyriyyə aksiyalarında da hər zaman fəallıq nümayiş etdirir. 

Şirkət 2019-ci ildən Beynəlxalq maliyyə təşkilatlarından biri olan Avropa Yenidənqurma və İnkişaf Bankı (AYİB) ilə əməkdaşlıq edir.

Şirkət 2023-cü ildə Əmək və Əhalinin Sosial Müdafiəsi Nazirliyi tərəfindən korporativ sosial məsuliyyət çərçivəsində həyata keçirdiyi layihələrə görə - “Qadınların məşğulluğunun təmin olunmasına dəstək verən ən aktiv özəl sosial tərəfdaş” və “Məşğulluq tarixçəsi olmayan şəxslərin məşğulluğunun təmin olunmasına dəstək verən ən aktiv özəl sosial tərəfdaş” nominasiyaları üzrə birinci yerə layiq görülüb. 

“Araz” supermarketlər şəbəkəsi 2024-cü ildə Azərbaycanın özəl şirkətlərinin idarəetmə strukturunu qiymətləndirən və onların üstünlüyünü tanıdan “Best Managed Companies Azerbaijan 2024” biznes müsabiqəsinin qalibi olub.