Meyvə-tərəvəzlə zəngin yay fəsli

Qışın soyuq keçən aylarından və ağır yeməklərindən sonra yayın yüngül qidaları sağlamlığın əsas dəstəkçisi olur.

Fəsil dəyişdikdə əlbəttə ki, mətbəx vərdişlərimiz dəyişir və bu hal market və supermarket alış-verişlərinə də təsir edir. Daha çox meyvə-tərəvəz almağa keçid edirik. Yayın ən gözəl tərəflərindən biri də endirim kataloqlarında meyvə-tərəvəz bölməsində münasib qiymətlərin çoxluq təşkil etməsidir.

Meyvə-tərəvəz aldıqda diqqət etməli olduğumuz əsas məsələ qiyməti olduğu qədər, təzə, keyfiyyətli və mövsümi olmağıdır. Yayın mövsüm meyvə-tərəvəzlərində qarpız, yemiş, badımcan, albalı, gilas, əncir, üzüm, şaftalı, yaşıl lobya və böyürtkənin adını xüsusi vurğulaya bilərik.

Bu gün  yay mövsümünün bir neçə meyvə-tərəvəzinin faydalarından bəhs edəcəyik.

Qarpız – Qış boyu ölkə olaraq daha çox darıxdığımız qidalar arasında qarpız öz yerini ilk sıralarda alır. Yay süfrələrini adətən pendir və isti təndir çörəyi ilə birlikdə bəzəyir. Qarpız tərkibindəki karotenoidlər, likopen və cucurbocitrin kimi antioksidanlarla sərbəst radikallarla mübarizə aparır. Qarpız qan təzyiqini stabilləşdirir, dərini yaxşılaşdırır və əzələləri gücləndirir. Bundan əlavə, immuniteti gücləndirən B6 vitamini ilə zəngindir. Bu qədər faydaları olan bostan bitkisini qəbul edərkən əlbəttə ki, hər qida da olduğu kimi miqdarına diqqət etmək önəmlidir.

Badımcan – Milli yeməklərimizdən üç bacı dolmasının və digər yay yeməklərinin  əsas inqrediyentlərindən biri olmağı badımcanı mətbəximizdə əvəzedilməz tərəvəzlər sırasına əlavə edir. Sırf buna görə supermarketə gedərkən meyvə-tərəvəz rəfində gözümüz badımcanı daim axtarır. Həmçinin bu məqamda badımcanın sərfəli qiymətə olan tərəvəzlər arasında olmağını da xüsusi qeyd etmək gərəkdir.

Badımcan tərkibindəki C, B1, B2 və A vitaminləri ilə xüsusilə saç sağlamlığına, hemoroid və dəri sağlamlığına çox faydalı ola bilər. Eyni zamanda, onun lifli tərkibi həzm sisteminizi tənzimləməyə kömək edəcəkdir.

Albalı – albalının nəinki özü, saplağı da insan orqanizmi üçün olduqca faydalıdır, Kalium, maqnezium, kalsium, fosfor, dəmir və sinklə zəngin olan albalı və albalı saplağının faydalarını aşağıdakı kimi sıralamaq olar:

• Əzələ ağrısını yaxşılaşdırır
• Yuxu rejiminə müsbət təsir edir
• Xərçəng riskini azaldır
• İmmun sistemini gücləndirir

Bu qədər faydaları olan albalını müxtəlif çeşidləri ilə sizə yaxın “Araz”dan alaraq nuş edə bilərsiniz.

Pomidor –  Biz hər mövsüm rasiona pomidor əlavə etsək də, yayda bu möhtəşəm tərəvəzin ləzzətinə və sərfəli qiymətinə doyum olmur. Pomidor əsas yeməklərdən tutmuş salatlara qədər gündəlik menyunun demək olar hər rasionunda öz yerini alır. Yayda “pink lady”, muço, çeri, Zirə, Şəmkir kimi növləri “Araz”ın rəflərində yerini alır və geniş seçim imkanı yaradır. Pomidor C vitamini qaynağı olmaqla yanaşı, ürək sağlamlığı üçün faydalıdır və xərçəng riskini azaldan əsas tərəvəzlərdəndir.

Şaftalı – Çeşidbəçeşid növləri ilə yayda market və supermarketlərin rəflərini bəzəyən şaftalı bağırsaq sağlamlığı üçün xüsusi önəm kəsb edir. Bundan əlavə, şaftalı bədənimizdəki dəmir miqdarını stabilləşdirir, pəhriz zamanı əsas dəstəkçi meyvələrdən olur, həmçinin dəri üçün olduqca faydalıdır.

Yayda özümüzə istirahət verib ruhumuzu dincəltdiyimiz kimi, rasionu bu kimi faydalı meyvə-tərəvəzlə zənginləşdirib orqanizmimizi də ağır yeməklərdən dincəldə bilərik. Odur ki marketə gedərkən qida listinizdə meyvə-tərəvəzin üstünlük təşkil etməyini tövsiyə edirik. Hər zaman gümrah və sağlam qalın!