Сафура Гафарова

2002-ci ildə Azərbaycan Dövlət Pedaqoji Universitetinin “Bioloq” ixtisası üzrə bakalavr dərəcəsinə, 2008-ci ildə isə həmin Universitetin “İnsan və Heyvan Fiziologiyası” ixtisası üzrə magistr dərəcəsinə yiyələnib. 2020-ci ildə İsveçrənin Montrö Biznes Məktəbində Biznesin İdarə Edilməsi Magistrini (MBA) bitirib.

2016-cı ildən etibarən müxtəlif istiqamətli (Tikinti, Layihələndirmə, Qeyri-ərzaq məhsullarının istehsalı, Neft-qaz sənayesi, Mühəndislik, Qazma, Laboratoriya və istehsalat avadanlığının texniki xidməti, Təhsil, Rabitə, Sığorta, Energetika, Avadanlıqların yoxlanılması, kalibrlənməsi və sınağı və s.) şirkətlərdə ISO 9001 “Keyfiyyətin İdarəetmə Sistemi” üzrə sertifikatlaşdırma/resertifikatlaşdırma auditoru/baş auditoru kimi fəaliyyət göstərərək, müvafiq istiqamətdə Beynəlxalq Sertifikatlaşdırılmış Auditorlar Reyestrinə (Certification no. 6131713) daxildir.

Peşəkar fəaliyyətinə 2008-ci ildə Danimarkanın Bakıdakı pivə istehsal edən “Carlsberg Azerbaijan”  törəmə şirkətində başlayıb və Keyfiyyət Təminatı Meneceri vəzifəsinə qədər yüksəlib. 2016-2017-ci illərdə “Avrora Qrupu”nda Keyfiyyət Departamentinin Direktoru, 2017-2020-ci illərdə “GİLAN Sənaye Qrupu”nda Keyfiyyətin Təminatı/Keyfiyyətə Nəzarət Meneceri və Əməliyyat Direktorunun müavini vəzifələrində çalışıb.

İş fəaliyyəti dövründə müxtəlif ölkələrdə Keyfiyyətin İdarə Edilməsi, Qida Təhlükəsizliyin İdarə edilməsi, Ekologiyanın İdarəedilməsi, Əmək Təhlükəsizliyin İdarəedilməsi sistemləri üzrə auditor, Risklərin idarə edilməsi, Sınaq və kalibrləmə laboratoriyalarının səriştəliliyinə dair tələblər üzrə və digər mövzularda beynəlxalq dərəcəli təlimlərdə iştirak etmişdir.

Safura Qafarova 2020-ci ildən Araz Supermarket MMC komandasına qoşulub və hazırda fəaliyyətini Keyfiyyət və Qida Təhlükəsizliyi İdarə Edilməsi Departamentinin müdiri kimi davam etdirir.