ŞİRKƏT HAQQINDA

XXI əsrin birinci on illiyində ölkəmizdə, əsasən də Bakıda mövcud olan pərakəndə satış bazarında kifayət qədər boşluqlar hiss olunurdu. Buna görə də yeni bir supermarketlər şəbəkəsinin yaradılması zəruri idi. 2011-ci il mayın 7-də xarici və daxili bazarları daima araşdıran, savadlı və əzmkar insanlar bir araya gələrək “AzRetail” MMC-ni təsis etdilər. Bununla da bütün Azərbaycanı əhatə etməyi hədəf götürən “Araz" supermarketlər şəbəkəsi istifadəyə verildi. 2011-ci ildə Bakıda “Siz harada, “Araz” orada” sloqanı ilə 4 filial xidmətə başladı. Tezliklə müştərilərin məmnuniyyətini və rəğbətini qazanan marketlərimiz çoxalma siyasətini 2012-2013-ci illərdə də davam etdirdi. İntellektual və peşəkar insan resurslarına malik olan şirkət bu illər ərzində Bakı şəhəri ətrafında və Sumqayıtda daha 12 filial açaraq supermarket sayını 16-ya çatdırdı.

Daima müştərilərinin istəklərini dinləyən və qarşılayan, onlarla dialoqa açıq olan “Araz” supermarketlər şəbəkəsi filiallarının sayını 2014-cü ildə də artırdı. Həmin ildə Bakı, Sumqayıt və Xırdalan da daxil olmaqla 7 yeni supermarket fəaliyyətə başladı və beləliklə, filiallarımızın sayı 23-ə çatdı. 2015-2016-cı illərdə ölkə iqtisadiyyatının dinamik inkişafı, müştəri rəğbəti və tələbatı nəticəsində “Araz” supermarketlər şəbəkəsinin müxtəlif yerlərdə 18 filialı açıldı və ümumi supermarket sayı 41-ə çatdı. Şirkətimiz 2017 - 2018-ci illərdə də yeni filialların açılması və yeni iş yerlərinin yaradılması üçün əzmlə çalışaraq mağaza sayını daha da artırdı. Hazırda "Araz" supermarketlər şəbəkəsi Bakı, Sumqayıt, Xırdalan və respublikanın bir sıra şəhərləri də daxil olmaqla 100-dən artıq filialı ilə müştərilərinə xidmət göstərir.


Məqsədimiz:

“Siz harada, “Araz” orada” sloqanı ilə Azərbaycanın bütün bölgələrində “Araz” supermarkətlər şəbəkəsinin yaradılmasına nail olmaq;

“Araz” supermarketlər şəbəkəsinin əsas prinsipi olan uyğun qiymət və geniş çeşidlə qida və qeyri-qida məhsullarını istehlakçılara çatdırmaq;

“Araz” supermarketlər şəbəkəsində çalışan insanlar üçün davamlı və rahat ailə mühiti yaradaraq, daima inkişaf etmək;

Müştərilərimizin təklif və istəklərini daima diqqətdə saxlayaraq daha yaxşı xidmət göstərilməsinə nail olmaq;

Azərbaycanın bütün bölgələrində supermarketlər açaraq yeni iş yerlərinin yaradılmasına dəstək göstərmək. 

 

AKSİYALAR

DAİM AŞAĞI QİYMƏT

XƏBƏRLƏR

ardını oxu

"Araz" supermarketlər şəbəkəsi Sumqayıtda yeni minimarket açdı

Geniş filial şəbəkəsinə malik olan “Araz” supermarketlər şəbəkəsi 19 may tarixində Sumqayıt şəhərində yeni minimarket formatlı mağazasını istifadəyə verdi.

ardını oxu

Zəng edin, biz toplayaq, sizə çatdıraq.

Əziz müştərilərimiz, sizin və marketdə çalışan əməkdaşlarımızın təhlükəsizliyini düşünərək "Zəng edin, biz toplayaq, sizə çatdıraq" xidmətini təqdim edirik.

ardını oxu

“Araz” supermarketlər şəbəkəsi ilə həmvətənlilərinə #güclüol mesajı ver!

Sosial təcridin davam etdiyi günlərdə bir-birimizi daha az görür, daha az ünsiyyətdə oluruq. Bir-birimizi gördüyümüz məkanlar isə hal-hazırda demək olar ki, sadəcə marketlərdir. Azərbaycanın ən böyük marketlər şəbəkəsi olan “Araz” supermarketlər şəbəkəsi isə bunu nəzərə alaraq yeni bir kampaniyaya başlayıb.