Cəmiyyətimizin həssas qruplarından olan insanlara yardım etmək, onlara dəstək olmaq “Araz” supermarketlər şəbəkəsinin fəaliyyətində hər zaman prioritet məsələlərdən biridir. Şirkət öz ənənələrinə sadiq qalaraq 2024-cü ildə də maarifləndirici sosialyönümlü layihələrini davam etdirdi. Uşaqların asudə vaxtının maraqlı və faydalı keçirmələrini təmin etmək məqsədilə “Sizinlə birlikdə” layihəsinə start verdi. Şirkət tərəfindən “Ümid yeri” uşaq sığınacağının sakinləri üçün Milli Azərbaycan Tarix Muzeyinə ekskursiya təşkil edildi. Ekskursiya zamanı xeyriyyəçi Hacı Zeynalabdin Tağıyevin ev muzeyini ziyarət edən uşaqlara muzey, milli-mənəvi və mədəni irsimiz, müsəlman dünyasının tanınmış xeyriyyəçisi H.Z.Tağıyev haqqında məlumatlar verildi. Maraqla qarşılanan ekskursiyanın sonunda uşaqlara “Araz” supermarketlər şəbəkəsi tərəfindən hədiyyələr təqdim olundu.
“Sizinlə birlikdə” layihəsini davam etdirən “Araz” supermarketlər şəbəkəsi Əmək və Əhalinin Sosial Müdafiəsi Nazirliyinin (ƏƏSMN) tabeliyində olan Dövlət Məşğulluq Agentliyi (DMA) ilə birlikdə şəhid övladlarının asudə vaxtlarının səmərəli keçirilməsi məqsədilə tədbir təşkil etdi. Sosial-maarifləndirici formatda təşkil edilən tədbirdə uşaqlarda müxtəlif peşələrə həvəs və sevgi yaradılması məqsədilə oyunlar təşkil edilib. Oyunlar zamanı onlar şərti olaraq həmin peşənin sahibi olublar. Uşaqlara “Araz” supermarketlər şəbəkəsi tərəfindən hədiyyələr həqdim olunub.
