“Araz” supermarketlər şəbəkəsi “Araz”da tələbə günü” layihəsini həyata keçirir. İnfosessiya formatında təşkil edilən layihənin keçirilməsində məqsəd “Araz” supermarketlər şəbəkəsi ilə əyani tanışlıq, şirkət əməkdaşlarının karyera inkişafı, onların məhsuldar fəaliyyəti üçün yaradılan şəraitlə tanışlıq, həmçinin tələbələrin real iş mühitinə adaptasiyasına dəstək olmaqdır. İnfoturun sonunda şirkətin müvafiq departament və şöbə müdirləri ilə tələbələrin görüşü təşkil edilir, onların sulları cavablandırılır və fikir mübadiləsi aparılır.
Layihə çərçivəsində Azərbaycan Dövlət İqtisad Universitetinin (UNEC) tələbələri “Araz” supermarketlər şəbəkəsinin baş ofisində və “Araz” Logistika Mərkəzində infosessiyada iştirak ediblər.
