Yasamal filialımızda “Tullantıları eko çantaya dəyiş” aksiyası keçirilib

Ekologiya və Təbii Sərvətlər Nazirliyinin (ETSN) və “Araz” supermarketlər şəbəkəsinin birgə təşkilatçılığı ilə növbəti “Tullantıları eko çantaya dəyiş” aksiyası 2 sentyabr tarixində Yasamal rayonu, İnşaatçılar prospekti 31 ünvanında yerləşən filialımızın qarşısında keçirilib.

Aksiyada vətəndaşlar ümumi tutumu 670 litr olan plastik butulka, 32 litr tutumlu şüşə butulka və 92 ədəd işlənmiş batareya təhvil verərək əvəzində eko çanta əldə ediblər. Azyaşlı iştirakçılara isə kitablar hədiyyə olunub.

Aksiyanın keçirilməsində məqsəd vətəndaşları tullantıların təkrar emalına, çeşidlənməsinə dəstək olmağa və eko çantalardan istifadəyə təşviq etməkdir.

Növbəti aksiyalar barədə məlumat ETSN-nin rəsmi saytı (eco.gov.az) və “Araz” supermarketlər şəbəkəsinin rəsmi saytında (arazmarket.az), eləcə də sosial şəbəkə hesablarında veriləcək.