Partnyor ol
10.03.2021

“Araz” supermarketlər şəbəkəsi Bakı Mühəndislik Universitetində onlayn “Karyera Günü” keçirəcək.

11 mart, saat 14:00-da “Araz” Supermarketlər şəbəkəsinin təşkilatçılığı ilə Bakı Mühəndislik Universitetində onlayn şəkildə “Karyera Günü” keçiriləcəkdir. İştirakçıların sualları “Araz” supermarketlər şəbəkəsinin İnsan Resursları departamentindən Elçin Əkbərov və Rəhim Mustafayev tərəfindən cavablandırılacaq. Onlayn “Karyera Günü”nün moderatorluğunu BMU-nun Müəssisələrlə Əlaqələr və Karyera Departamentindən Nurlan Aslanov və Gülçöhrə İbrahimova həyata keçirəcək.

Peşəkarlar sualları cavablamaqla yanaşı, “Araz” Supermarketlər şəbəkəsinin geniş iş imkanlarından, tələbələr üçün yaratdığı təcrübə sahələrindən ətraflı bəhs edəcəklər.
 
Canlı yayım boyu izləyicilər öz suallarını BMU-nun  rəsmi “Facebook” (fb.com/beu.edu.az), “Youtube” (https://www.youtube.com/channel/UCOYADW2Y4cKWKflS-lH1hCA) hesablarından  və “Araz” supermarketlər şəbəkəsi İşə qəbul və karyera mərkəzinin “Facebook” səhifəsindən (https://www.facebook.com/HR.ARAZSUPERMARKET)  birbaşa ünvanlaya biləcəklər. 

Bölüşmək