Ehtiram Hacıyev

Ehtiram Hacıyev, 2009-cu ildə Azərbaycan Dövlət İqtisad Universitetinin “Beynəlxalq iqtisadi münasibətlər” ixtisasını fərqlənmə ilə bitirmiş, 2015-ci ildə həmin universitetin “Business Adminstration and Finance” (MBA) üzrə magistr təhsilini uğurla tamamlamışdır.

Peşəkar iş fəaliyyətinə 2010-cu ildə “World Medicine” şirkətində maliyyə analitiki olaraq çalışmağa başlayan Ehtiram Hacıyev 2013-2015-ci illərdə Vergilər Nazirliyində dövlət vergi müfəttişi kimi karyerasına davam etmişdir.

2015-2017-ci illərdə fəaliyyətini yenidən “World Medicine” şirkətində maliyyə analitiki olaraq davam etdirən Ehtiram Hacıyev 2017-ci ildə “Araz Supermarket MMC”də və “Vəysəloğlu Şirkətlər Qrupu”na daxil olan “Entrée MMC”də daxili nəzarət mütəxəssisi olaraq çalışmağa başlamışdır.

2019-2022-ci illərdə “Araz Supermarket MMC”nin Daxili Nəzarət və Risklərin təhlili şöbəsinin müdiri vəzifəsində çalışan Ehtiram Hacıyev 2022-ci ildən etibarən şirkətin Daxili Nəzarət Departament müdiri vəzifəsinə təyin edilmişdir.