Vüqar Hacıyev

Vüqar Hacıyev 1997-ci ildə Azərbaycan Dövlət İqtisad Universitetinin “İqtisadiyyatın dövlət tənzimlənməsi” fakültəsini bitirib. Peşəkar fəaliyyətinə 1998-ci ildə “Aztelekom” İB-də mühasib qismində başlayıb və baş mühasibin müavini vəzifəsinə qədər yüksəlib. 2004-2008-ci illərdə “AzEuroTel” BM-də baş mühasib, 2008-2009-cu illərdə “Azerfon” MMC-də (Nar Mobile) baş mühasib, 2009-2015-ci illərdə “PAŞA Sığorta” ASC-də Maliyyə Direktoru və İdarə Heyətinin üzvü, 2016-2019-cu illərdə Azerconnect şirkətində törəmə şirkətlərin maliyyə rəhbəri olaraq çalışıb.

2006-2020 cı illər ərzində paralel olaraq dünyanın ən böyük marketing - outdoor şirkəti olan “JCDecaux” şirkətinin Azərbaycan üzrə Maliyyə və Vergi məsləhətçisi, bir neçə bankda Daxili Audit və Müşahidə Şurası üzvü kimi fəaliyyət göstərmişdir. “Dünya Bankı” və “UNDP Azərbaycan” təşkilatlarının bir neçə layihəsində təlimçi kimi fəaliyyət göstərmişdir.

Uzunmüddətli iş fəaliyyəti dövründə müxtəlif ölkələrdə Maliyyə, Korporativ İdarəetmə, Büdcə və Maliyyə təhlili, Risklərin idarə edilməsi və digər mövzularda beynəlxalq dərəcəli təlimlərdə iştirak etmişdir.

Vüqar Hacıyev 2019-cu ildən Araz Supermarket MMC komandasına qoşulub və hazırda fəaliyyətini Maliyyə Direktoru və İdarə Heyətinin üzvü kimi davam etdirir.