Nərmin Məmmədova

Nərmin Məmmədova 20 yanvar 1991-ci ildə Bakı şəhərində dünyaya gəlmişdir.

Bakalavr pilləsini Azərbaycan Respublikasının Prezidenti yanında Dövlət İdarəçilik Akademiyasının İnzibati İdarəetmə ixtisası üzrə, Magistr pilləsini isə Azərbaycan Dövlət Neft Akademiyasının Xidmət və istehsalat sahələrinin iqtisadiyyatı və idarəedilməsi ixtisası üzrə bitirmişdir.

10 ildən artıq iş təcrübəsi vardır. Gilan Qəbələ Konserv zavodu, BOS Shelf MMC, Azersun Holding kimi şirkətlərin İnsan resursları departamentlərində müxtəlif vəzifələri icra etmişdir.

2017-ci ildə SHRM-CP və SHRM-SCP beynəlxalq sertifikatlarına yiyələnmiş, bununla da ölkədə SHRM üzrə sertifikatlara yiyələnən ilk mütəxəssis olmuşdur. Sertifikatları aldıqdan sonra isə ABŞ-ın Vaşinqton şəhərində 5 ay müddətində SHRM Şirkətinin təşkil etdiyi İnsan Resursları sahəsində müxtəlif təlimlərdə iştirak etmişdir.

2018-ci ilin iyun ayında Veysəloglu Şirkətlər Qrupuna İR Sistem Təkmilləşdirilmə Şöbəsinin müdiri olaraq işə başlamışdır. 2019-cu ilin fevral ayında Araz Supermarket şəbəkəsinə transfer olunaraq Biznes Proseslərin İdarə olunması şöbəsinin müdiri, sonradan isə İR Təlim və İnkişaf şöbəsinin müdiri vəzifəsinə təyin olunmuşdur. 2021-ci ilin iyul ayından İR Departamentinin müdiri vəzifəsinə təyin olunaraq İnsan Resursları funksiyasına rəhbərlik etmişdir. Bu dövr ərzində KPI Certified Professional beynəlxalq sertifikatını əldə etmişdir.

2023-cü ilin yanvar ayından isə İdarə Heyəti və Müşahidə Şurasının Protokol Direktoru olaraq fəaliyyətini davam etmişdir.

İngilis, rus və ispan dillərini bilir.