(012) 924

XƏBƏRLƏR

"Araz"dan Sarayda fərqli market

14.06.2016 // 16:58

Ölkəmizdə market mədəniyyətinin inkişaf etdirilməsində böyük rolu malik olan “ARAZ” supermarketlər şəbəkəsinin şöbələrinin sayı artırılır.

“Marja” xəbər verir ki, 01 Mart 2016-cı il tarixində Azərbaycanın ən böyük marketlər şəbəkəsinin növbəti şöbəsi Abşeron rayonunun Saray qəsəbəsində istifadəyə verilib.

TƏNDİRXANA, KABABÇI, DÖNƏRÇİ, KAFE...

"ARAZ"ın Saray şöbəsinin açılışında Abşeron Rayon İcra Hakimiyyətinin müavinləri və qəsəbənin yüzlərlə sakinləri iştirak edib. Bildirilib ki, sayca 40-cı olan bu "ARAZ" maket digər şöblərdən fərqlənir. Tamamilə yeni dizayda olan marketdə qurulmuş təndirlərdə nənələr çörəklər, ləvəngilər bişirilir və alıcılara müxtəlif hazır yeməklər, o cümlədən kabab təklif olunur. Marketdə “ARAZ” kafe fəaliyyət göstərir.

Satışa çıxardılan meyvə və tərəvəzlər əsasən Azərbaycanın bölgələrindən alınıb gətirilir. Həmçinin bu marketdə Avropa və Rusiyadan idxal olunmuş fərqli mallar satışa çıxardılıb. Bazara uyğun qiymətlərin olduğu marketdə müxtəlif kampaniya və endirimlər də mövcuddur.  

SAKİNLƏR ÜÇÜN XÜSUSİ AVTOBUSLAR

"ARAZ"ın saray filialı geniş avtomobil dayanacağına malikdir. Həmçinin sakinlərin rahatlığını təmin etmək məqsədilə marketin yerləşdiyi ərazidən Saray qəsəbəsinin mərkəzinə və Ceyranbatan qəsəbəsinə xüsusi avtobuslar işləyir.

70 NƏFƏR DAİMİ İŞLƏ TƏMİN OLUNUB

“ARAZ” supermarketlər şəbəkəsinin sahibi “AzRetail” MMC-dir. Şirkətin direktoru Vüsal Şərifov bildirib ki, Abşeron kəndlərində “ARAZ” filiallarının sayı artırılacaqdır. Yeni şöbələr insanlar üçün rahat və müasir alış-veriş məkanı olmaqla bərabər, onlarla vətəndaş üçün iş yeridir:

“ARAZ” supermarketlər şəbəkəsi ölkəmidə işsizliyin aradan qaldırılmasına öz töhfəsini verir. Saray filialında 70 nəfər daimi iş ilə təmin olunub. Onların əksəriyyəti Abşeron rayonunun sakinləridir. İl ərzində yeni açılacaq şöbələrdə daha bir neçə yüz nəfər iş ilə təmin olunacaqdır”.

“SİZ HARADA ARAZ ORADA”

Qeyd edilməlidir ki, müasir və məşhur iri supermarketlər əsasən Bakı şəhərinin mərkəzində cəmləşmişdi. Ətraf qəsəbələrin əhalisinin yaşadıqları ərazidə geniş çeşidi, yüksək xidməti olan supermarketdən istifadə etmək imkanları yox dərəcəsində idi. Tanınmış supermarketlər şəbəkələri öz şöbələrini ətraf ərazilərdə açmağa cürət etmirdilər. Son illər, məhz “ARAZ”ın sayəsində Abşeron kəndlərinin sakinləri ən müasir supermarketə qovuşdular, münasib qiymətə, geniş çeşiddə, təzə məhsullardan ala bilmək imkanına malik oldular. Bu gün Abşeronun ən ucqar kəndində belə “Araz” market fəaliyyət göstərir və bu şəbəkənin “Siz harada, ARAZ orada” sloqanına sadiq olduğunu göstərir.

 

AKSİYALAR