Belarusun ölkəmizdəki fövqəladə və səlahiyyətli səfiri Dmitri Pineviç Veysəloğlu Şirkətlər Qrupunun ofisində qonaq olub. Səfir Veysəloğlu Şirkətlər Qrupunun təsisçisi və baş icraçı direktoru Aydın Talıbov, “Araz” supermarketlər şəbəkəsinin İdarə Heyətinin sədri Rəşad İbrahimov ilə görüşüb. Görüşdə səfirə Veysəloğlu Şirkətlər Qrupunun fəaliyyət istiqamətləri barədə ətraflı məlumat verilib.
Görüş zamanı “Araz” supermarketlər şəbəkəsinin Belarus Respublikasında fəaliyyət göstərən tərəfdaşları ilə mövcud əməkdaşlıq məsələləri nəzərdən keçirilib. Eyni zamanda, gələcək əməkdaşlıq imkanları, idxal edilən məhsul kateqoriyalarının genişləndirilməsi istiqamətində fikir mübadiləsi aparılıb.
Dmitri Pineviç “Araz” supermarketlər şəbəkəsinə məxsus mağazalardan birini ziyarət edib və Belarus mənşəli məhsulların təqdim olunduğu xüsusi stendlə tanış olub, məhsullara baxış keçirib.
